Nanaginip ako kagabi
Lumilipad daw sa ibabaw ng mga yerong bubong
Palipat-lipat, patalun-talon
Parang si spiderman sa squatter’s area
Maynus yung mascara
At yung raber na kasuotang itim at pula.
Sa halip ay nakanaytis daw
Puting-puti tulad sa mga Chinese telenovela
Maynus yung espada
At yung galing sa pakikipabaka;
At wala raw akong suot sa paa
At di ko na maisip kung sinong katulad
Sino bang nakapaa sa mga soap opera
Si bakenang ba?
Hindi bale na dahil mahaba naman ang aking buhok,
Animo’y hinahanginan ng electric fan sa harap, sa likod
Dahil ang talsik ay paikot
Maynus yung mestisa look
Ano ba ang punto ng aking panaginip
Sa imahinasyon ay sangkatutak ang makulit
At bubulong-bulong na lamang ang mga tula
Dahil di makasingit na parang tulala.
Gusto ko sanang managinip nang gising
Lumipad nang walang katulad.
i used to dream about flying, too, but more of an escape from something horrible that was about to attack me. when it was catching up with me, i'd force myself to wake up (whew!). buhay pa rin ako. keep writing poems. - joy
ReplyDelete