inanod na kahoy

Kung ang minimithi ko ay ikaw
hinihingi mo sa akin
na ako'y maging kahoy
na inanod
sa iyong dalampasigan
upang

paputlain ng araw
bayuhin ng alon
kaskasin ng buhangin

hanggang
mauka nang mauka
matuyo at malapok
handa na
sa sindi

na magpapaliyab

sa apoy

na susunog

upang maging usok

na magpapabanal.

lalamunin ako ng apoy
walang matitira kundi
abo
mainit-init na buhangin
at alat ng asin.

salin ng tulang "Firewood" ni Craig Steeland, mula sa New Christian Poetry, Alwyn Marriage, Editor